Проекти

Промовирање и генерирање на резултати преку обезбедување на одржливост на мрежата Балкан Тендер Воч 2022 (7.300 Евра)

Проектот се фокусира на преглед на клучните предизвици во јавните набавки во областите на интервенција на различни граѓански организации од Македонија, проценка на потенцијалите и одржливоста на имплементација на методологијата за следење на јавните набавки на локално ниво на мрежата Балкан Тендер Воч и препораки за регионален ангажман. Во рамки на проектот, организирани се и настани за вмрежување на граѓанските организации во 8 плански региони во Македонија. Проектот е финансиран од Европската комисија, а подржан како грант во рамки на проектот „Балкан Тендер Воч“.

Со професионална администрација до ефикасни и квалитетни услуги на локално ниво 2021-2022 (7.490 Евра)

Проектот има за цел да се подобри квалитетот на општинските услуги преку професионализација на општинските администрации, подготовка на општините за дигитализација на услугите согласно финансиските можности, транспарентност и отчетност на општините и јавните комунални претпријатија од источен плански регион. Во рамките на проектот извршен е мониторинг на управувањето со човечките ресурси согласно стандардите СИГМА, извршено е мерење на транспарентноста, отчетноста и испораката на услуги од страна на општините и јавните комунални претпријатија од источен плански регион. Проектот е финансиран од Европската Унија, а подржан како грант во рамки на проектот „Зајакнување на граѓанското општество од западен Балкан за реформа на јавната администрација“.

Интегритет на институциите на локално ниво во јавните набавки 2019 – 2020 (9.300 Евра)

Проектот допринесува во зголемување на транспарентноста, отчетноста и одговорноста на институциите на локално ниво во спроведувањето на јавните набавки. Детектирање на коруптивните практики во спроведувањето на јавните набавки кај институциите на локално ниво; Намалување на ризиците од корупција кај институциите на локално ниво; Подигнување на свеста на сите чинители на локално ниво за важноста од мобилизација на сите ресурси во борба против корупцијата; Проектот е финансиран од Европската комисија, а поддржан како грант во рамки на проектот „Балкан Тендер Воч“

Интегритет наспроти корупција 2019 – 2020 (7.980 Евра)

Главна цел на проектот е поттикнување на транспарентноста, отчетноста и интегритетот на Јавните комунални претпријатија (ЈКП) во источен плански регион (ИПР) за креирање фер услови за настап на бизнис секторот. Креирање на алатка за оценка на ризиците на корупцијата на јавните претпријатија; Препораките за добри практики за зголемување на транспарентноста, отчетноста и интегритетот на јавните претпријатија се доставени до ЈКП од источен плански регион; Воспоставена платформа на соработка помеѓу јавниот сектор, бизнис секторот и медиумите; Проектот „Интегритет наспроти корупција“ е финансиран од Европската комисија, а поддржан како грант во рамки на проектот „ Зајакнување на интегритетот и намалување на корупцијата во јавниот и приватниот сектор“.

Имам право да знам и влијаам 2019 (5.000 Евра)

Проектот има за цел да се зголеми транспарентноста и отчетноста во трошењето на подружниците на Ј.П. Македонски шуми во Источно планскиот регион од (Штип, Кочани, Виница, Делчево, Берово и Пехчево). Креирана е отворена база на податоци за состојбите со подружниците Граѓаните се информирани за состојбите со расположливото шумско богатсво во И.П. Регион Креирана е компаративна анализа за управувањето со шумите за период 2017-2019 година, како и буџетска анализа на ЈП Македонски шуми (6 подружници од ИПР) Реализирана е контактна емисија „Отворено со народот“ со граѓаните од источен плански регион на ТВ Стар Штип Изработени две видео стории Навремена достава на дрвата до потрошувачите согласно законот за потрошувачи и намалување на загадувањето во Источно Планскиот Регион и пошироко. Проектот е финансиран од Европската Унија, а подржан како грант во рамките на проектот „Граѓанските организции и медиуми во борба против корупцијата – коалиција за нулта толеранција“.

Граѓанинот е вистински инспектор 2019 (7.680 Евра)

Проектот има за цел да допринесе во намалувањето на бројот на повреди на работничките права преку активирање на Трудовиот инспекторат во источниот плански регион во Р.Македонија. ) Унапредување на работничките права и поттикнување на работниците да пријават неправилности и прекршувања на работничките права до Трудовата инспекција; Давање тежина и видливост на проблемот и прикажување на последиците од отсуството на владеење на правото и евентуална корупција; Отворање дебата меѓу засегнатите страни и давање транспарентност на целиот процес со заложба институциите да бидат сервис на граѓаните; Проектот е финансиран од Европската Унија, а подржан како грант во рамките на проектот „ACTION SEE“.

И ние имаме права 2019 (7.980 Евра)

Проектот има за цел да даде придонес кон зголемување на образовната инклузија на деца Роми во Општина Виница и Кочани со спречување на формите на трудова експлоатација, дискриминација и разни форми на насилство. Подигнување на свеста и зголемена информираност на ромските семејства чиишто деца не посетуваат настава и се жртви на трудова експлоатација, изложеност на насилство и дискриминација во образовните процеси. Јакнење на капацититетите на одговорните институции, членови на координативното тело за спречување на детска трудова експлоатација и дискриминација на децата поради етничка, регилиозна или друга припадност. Застапување пред локалните власти преку изработка на краток документ за политика (Policy brief) со конкретни препораки во насока на подобрување на состојбите со трудовата експлоатација и дискриминација на деца Роми и лобирање кај ЕЛС од Виница и Кочани да донесат акционен план за заштита на правата на децата. Проектот е финансиран од Европската Унија, а подржан како грант во рамките на проектот „Стратешко партнерство за промени: Препознај, почитувај и остварувај права“.

Транспарентно владеење 2018-2019 (7000 Евра)

Зајакнување на концептот на отворени податоци на регионално ниво и овозможување на медиумите, стручната јавност и други заинтересирани групи употреба на цврсти факти од областа на јавните набавки. Истражувањето на транспарентноста, отчетноста и интегритетот на ЕЛС-ви во јавните набавки, е извршена според однапред утврдени цели, критериуми и индикатори за мерење на нивото на институционално остварување на овие три принципа во трошењето на јавните пари, утврдени од страна на донаторот. Опфатени се сите фази на јавните набавки, и оние кои не се формално дел од законот за јавни набавки но се дел од циклусот на јавните набавки и од нивното спроведување зависи ефикасноста на јавните набавки. Проектот е финансиран од Европската Унија, а подржан како грант во рамките на проектот „Мрежа за транспарентност отчетност и интегритет во јавните набавки“.

За подобар живот 2017–2018 (5.000 Евра)

Проектот се фокусира на старите лица, кај кои е видлива потребата од палијативна грижа но и генерациско приближување и наоѓање на свое место во секојдневното живеење. Ова ја наметнува потребата од организиран пристап во надминување на ваквите предизвици кои ќе бидат преточени во локални акциски планови со цел стратешки пристап и унапредување на квалитетот на живеење на оваа целна група во општините Виница и Македонска Каменица. Целта на проектот е подобрување на квалитетот на живеење на старите лица. Проектот го спроведува Здружението „Иницијатива на невработени интелектуалци“ од Виница , во рамки регионалниот проект „Преземање на акција за социјална вклученост на старите лица“ спроведуван од Црвен Крст на Република Макединија и здружението „Хуманост“, а е финансиран од ЕУ и Австриската агенција за развој

ЕЛС им припаѓаат на даночните обврзници 2017–2018 (5.000 Евра)

Проектот се фокусира на воспоставување мониторинг индикатори на ЕЛС-ви (Виница, Македонска Каменица, Делчево, Пехчево, Берово и Зрновци) со усвојување на СИГМА стандардите. Воспоставена е рамка на стандарди и индикатори за мониторинг на локално ниво, која понатаму ќе биде користена за следење на работата на ЕЛС-ви. Принципите на кои што инсистира овој проект во целост кореспондираат со европските стандарди за добро управување во јавниот сектор, што овозможува препознатливост и споредливост и во крајна инстанца, остварување на целите на кои што треба да одговори една деполитизирана, функционална и модерна јавна служба ориентирана кон граѓаните и кон бизнис заедницата. Проектот е финансиран од Европската Унија, а подржан како грант во рамките на проектот „Следење на принципите на јавна администрација во зачувување на вредностите на добро управување“.

Партнерство за добро владеење 2017 (3.000 Евра)

Со проектот ќе се зајакне концептот на отворени податоци на регионално ниво и ќе им се овозможи на медиумите, НВО, стручната јавност и други заинтересирани групи употреба на цврсти факти од областа на економијата и финансиите, квалитетот на живот, здравството и животната средина, зајакнувајќи ја нивната контролна улога. Проектот ќе придонесе за поквалитетно новинарство засновано на факти, изградено оперативно партнерство меѓу НВО и медиумите, креирани десетици бази на податоци и создавање на ресурси за истражувачко новинарство и подобро информирани граѓани за важни прашања при носењето на одлуки. Проектот се спроведува во рамките на проектот Истражувачко новинарство за поттикнување на реформи спроведуван од Центар за граќански комуникации во соработка со НВО Инфоцентар Скопје и БИРН Македонија, финансиран од Европската Унија преку IPA Civil Society Facility and Media Programme 2014.

Зајакнување на цивилното општество преку градење на капацитетите – Обука за раководење со проектен циклус 2013

Со реализација на овој проектот, се обучија 40 млади лица, претставници од месните заедници и младите од Општина Виница за Раководење со проектен циклус. Зајакнувајќи ги своите капацитети младите подготвија 5 проекти кои беа предложени на советот на општина Виница.Проектот го спроведе Здружението „Иницијатива на невработени интелектуалци“ од Виница со финансиска подршка од ЕЛС Виница.

Проект за добро владеење 2009 – 2010

Со проектот се развија механизми за зголемување на транспарентноста, отчетноста и одговорноста на ЕЛС Виница, потикнувајќи поголемо учество на граѓаните и локалната бизнис заедница во процесот на донесување одлуки и размена на најдобри практики и искуства помеѓу општините во земјата и регионот. На почетокот на проектот се детектираа слабостите со длабинско истражување и актуелните практики во општините, се изработија серија на препораки за преземање на конкретни мерки за унапредување на работењето и се разменуваа најдобри практики помеѓу 13 општини. Здружението „Иницијатива на невработени интелектуалци“ од Виница го спроведуваше проектот во општина Виница, под раководство на НВО Инфоцентар во партнерство со Центарот за граѓански Комуникации од Скопје и ЕХО Штип, а финансиские подржан од програмата за развојни грантови на УСАИД.

Подигање на свеста кај младите за штетноста од алкохолот и цигарите 2009

Во Рамките на овој проект беа обучени 16 млади ПИЕР едукатор, кои спроведоа врсничка едукација во СОУ Ванчо Прке – Виница. Со едукацијата беа опфатени вкупно 740 средношколци, и беа спроведени 37 предавања на тема Алкохол и Пушење. Проектот го спроведе Здружението „Иницијатива на невработени интелектуалци“ од Виница во рамките на проектот „Младите во процесот на застапување на локално ниво“ спроведуван од Коалиција на младински НВОи „СЕГА“, а финансиски е подржан од The Balkan Trust for democracy.

Еднакви образовни можности за децата Роми 2006 – 2009

Во рамките на овој проект активностите беа насочени кон семејствата на 143 Ромски деца ученици во ОУ С.Стојменски од Виница, а со учениците имавме ограничени активности од екстракурикуларен карактер. Главна цел на проектот да се обезбедат еднакви образовни можности за децата Роми, Подобрување на успехот и зголемена редовност во наставата, како и подигање на свеста и каопацитетот на Ромските семејства за образование на нивните деца. Спроведивме серија на работилници за родители Роми од различни област: Важност и право на образование, конфликти и разрешување на истите, вештини и техники на комуникација, родова еднаквост, семејно насилство, малолетнички бракови, девијатни однесувања, заразни болести, хигиена итн. Проектот го спроведуваше Здружението „Иницијатива на невработени интелектуалци“ од Виница, а е финансиски подржан од ФИООМ.

Локални акциони планови за здравство на ЕЛС Виница и регионален акционен план на источен плански регион 2008

Со овој проект се изврши детерминација на потребите и здравствените ризици на ниво на општините и регионот кои имаат влијание на квалитетот на животот, се идентификуваа проблемите и приоритетите во здравствената заштита и се развија плановите и активностите за спроведување на зацртаните цели. Се детерминираа индикатои врз основа на кои ќе се оценува напредокот на зацртаните цели и задачи, како и остварување на правата и потребите кои произлегоа од децентрализацијата и зајакнување на здравствената инфраструктура на локално и регионално ниво. Проектот го спроведуваше Здружението „Иницијатива на невработени интелектуалци“ од Виница, под раководство на на ЕХО Штип, а е финансиски подржан од Balkan Trust for democracy.

Социјална инклузија на Ромите во општина Виница 2005

Проектните активностите во рамки на овој проект беа насочени кон 22 Ромски деца од предшколска возраст и нивните родители од општина Виница. Општа цел на проектот е вклучување на Ромските деца во образовниот процес. Специфичните цели на проектот се : подигање на свеста за подобро родителство, да се изгради основа кај децата која ќе биде поттикнувачка во развојот на личните потенцијали, да се отвори светот на можности и да се потикне успешна комуникација во Ромското семејство и во односите со институциите. Проектот го спроведуваше Здружението „Иницијатива на невработени интелектуалци“ од Виница, а е финансиски подржан од ФИООМ.

Компјутерска обука за лица со телесен инвалидитет и Роми 2005

Проектот овозможи 24 лица (по 12 од секоја група) да се стекнат со комјутерски вештини ( Windows, Word, Exel, Internet, Power point ), и истите да бидат поконкурентни на пазарот на трудот. Курсистите поминаа 40 часовна обука за компјутерски вештини. Проектот го спроведуваше Здружението „Иницијатива на невработени интелектуалци“ од Виница, а е финансиски подржан од ФИООМ.

Изработка на Локален акционен план за животна средина 2004 – 2005

Проектот овозможи да се дефинираат, проценат и постават проблемите за животната средина во општина Виница. Се развија стратегии и активности за намалување на ризиците. Воспоставена е структура помеѓу општествените чинители на локално ниво, зголемена е јавната свест за прашања поврзани со животната средина, сездадени се услови и локални капацитети за привлекување и реализирање на идни инвестиции и подобрен е квалитетот на живеење. Во рамки на проектот се изврши регулирање на коритото на Р.Градечка во должина од 600 м. Проектот го спроведуваше Здружението „Иницијатива на невработени интелектуалци“ од Виница во партнерство со општина Виница, во рамките на проектот за изработка на ЛЕАП спроведуван од Регионалниот центар за животна средина – РЕЦ, а е финансиски подржан од Шведската агенција за меѓународен развој – SIDA.

Опремување на библиотека со компјутерска и јазична литература 2004

Во рамките на овој проект Здружението „Иницијатива на невработени интелектуалци“ од Виница се опреми со компјутерска литература и литература за англиски, германски, италијански и грчки јазик ( сите степени) со финансиска помош од LGRP.

Изградба на простапна рампа за телесни инвалиди 2003

Членовите на Здружението „Иницијатива на невработени интелектуалци“ од Виница во соработка со Здружението на жени „ Златно доба “ од Виница, ЕЛС Виница, волонтери на Мировниот корпус, ЈП „Солидарност“ и бизнис секторот спроведоа заедничка акција, и изградија пристапна рампа за лица со телесен инвалидитет во ЕЛС Виница.

Информативен работен клуб 2003......

Со овој проект на Здружението „Иницијатива на невработени интелектуалци“ од Виница се опремени 3 училници и 1 канцеларија со мебел и столчиња за изведување на настава, две училници за 12 лица и една за 20 лица. Исто така здружението беше опремено и со техничка опрема ( 7 компјутери, принтер, скенер, копир, ЛЦД проектор, ТВ и ДВД. Во рамките на проектот 30 невработени лица се здробија со компјутерски вештини ( (Windows, Word, Exel, Internet, Pover Point), и 24 лица се здобија со знаења од Англиски јазик два степена. Проектот го спроведуваше Здружението „Иницијатива на невработени интелектуалци“ од Виница, а е финансиски подржан од USAID – CSHI. Здружението „Иницијатива на невработени интелектуалци“ од Виница во тек на наредните години продолжи да организира курсеви за странски јазици ( Англиски, Германски, Италијански, Грчки ) и компјутерски вештини за сите возрасти. Курсевите ги имаат поминато повеќе од 800 лица.